Siddu Jonnalagadda: స్టేజి పై అనుపమతో సిద్దు ప్రవర్తించిన తీరు నెట్టింట హాల్చల్..

Siddu Jonnalagadda: డీజే టిల్లు చిత్రంతో రాత్రికి రాత్రి స్టార్ హీరో జాబితాలోకి చేరిపోయాడు సిద్దు జొన్నలగడ్డ. 2022వ సంవత్సరంలో విడుదలైన ఈ చిత్రం సూపర్ హిట్ ని అందుకుని నిర్మాతలకు అంచనాలకు మించి లాభాలు తెచ్చింది. దాంతో ఈ చిత్రానికి సీక్వెల్ గా టిల్లు స్క్వేర్ చిత్రాన్ని తెరకెక్కించగా మార్చ్ 29వ తారీఖున విడుదలవుతుంది. కాగా ఈ చిత్రం యొక్క ప్రమోషన్లలో భాగంగా సిద్దు-అనుపమ మీడియా ముందుకు వచ్చి ఇంటర్వ్యూలలో తెగ సందడి చేస్తున్నారు. అనుపమ ఒక్కసారిగా బోల్డ్ గా నటించి ముద్దు సీన్లతో రెచ్చిపోయి అందరిని ఆశ్చర్యపరిచేలా చేసింది.

ఇక ఈ విషయంపై ప్రతినిధులు ఆమెని ఇన్నేళ్లు హోమ్లీ పాత్రలతో ఉన్న మీరు ఒక్కసారిగా హాట్ కంటెంట్ లో నటించడానికి కారణం ఏమిటి అని అడగ్గా.. మీరే ఒకే రకమైన పాత్రలు అంటున్నారు మీరే బోల్డ్ రోల్ చేస్తుంది అంటున్నారు. ఎప్పుడు ఒకేలా చేస్తే బోర్ కొట్టింది. అందుకే ఈసారి కొంచెం కొత్తగా ట్రై చేశాను. టిల్లు స్క్వేర్ లో లిల్లీ పాత్ర రిజెక్ట్ చేస్తే అంతకంటే మూర్ఖత్వం మరొకటి ఉంటుందా.? దర్శకుడు చెప్పిన మేర అయితే నా పాత్రకు న్యాయం చేసే ప్రయత్నం అయితే చేశాను అంటూ అనుపమ పేర్కొన్నారు.

ప్రెస్ మీట్ లో సిద్దు (Siddu Jonnalagadda) అనుపమతో ప్రవర్తించిన తీరు ప్రశంసలను పొందింది. మూవీలో లిప్ కిస్సులతో మత్తెక్కించిన సిద్దు అనుపమను టచ్ చేయకుండా ఫోటోలకు ఫోజులిచ్చాడు. ఇదే ఫోటోలు చూసిన నెటిజన్స్ సిద్దు మిస్టర్ పర్ఫెక్ట్ అని ఆయన సంస్కారానికి హాట్సాఫ్ అని, కెమెరా ముందు కెమిస్ట్రీ కానీ ఆఫ్ స్కీన్లో అది చేయాల్సిన అవసరం లేదంటూ సిద్దు మనందరికీ తెలియజేశాడంటూ కామెంట్స్ వైరల్ అయితున్నాయి. దాంతో ఒక్కసారిగా సిద్దు అనుపమ ఫోటోలు నెట్టింటే హల్చల్ అవుతున్నాయి.