Sai Pallavi: ఒడిలో పాపతో నెట్టింట వైరల్ అవుతున్న సాయి పల్లవి ఫోటోలు..

Sai Pallavi: తెలుగు చిత్ర పరిశ్రమలోకి ప్రేమమ్ చిత్రంతో అడుగుపెట్టింది ఈ యంగ్ బ్యూటీ సాయి పల్లవి. ఆ తరువాత ఫిదా చిత్రంతో సూపర్ డూపర్ బ్లాక్ బాస్టర్ హిట్ అందుకొని తనకంటూ ఓ మంచి గుర్తింపుని పదిలం చేసుకుంది.  ఆ తర్వాత ఆచితూచి కథలను ఎంపిక చేసుకుంటూ లవ్ స్టోరీ, ఎంసీఏ మరియు విరాటపర్వం వంటి చిత్రాలలో నటించి తన క్రేజ్ మరింత రెట్టింపు చేసుకుంది. సాయి పల్లవి ప్రస్తుతం నాగచైతన్య సరసన తండెల్ అనే చిత్రంలో హీరోయిన్ గా నటిస్తుంది.

ఇక ఈ చిత్రం గీత ఆర్ట్స్2 పిక్చర్ బన్నీ వాసు నిర్మిస్తుండగా చందు మొండేటి గారు దర్శకత్వం వహిస్తున్నారు. ఈ చిత్రంలో చైతు ఫిషర్ మాన్ గా మనకు కనిపించబోతున్నాడు. ప్రస్తుతం మన హైదరాబాద్ లో షూటింగ్ పనులు శరవేగంగా చిత్ర యూనిట్ పూర్తి చేసుకుంటుంది. రైల్వే స్టేషన్ బ్యాక్ డ్రాప్ లో షూట్ చేస్తున్నట్లు మనకు అర్థమవుతుంది. అయితే ఇదిలా ఉండగా ఈ చిత్రానికి సంబంధించిన పలు తాజా అప్డేట్స్ తండేస్ షూటింగ్ నుండి నిర్మాణ సంస్థలు ఫోటోలను తమ ట్విట్టర్ వేదికగా షేర్ చేయ సాగాయి.

కేవలం ఫోటోలు షేర్ చేయడమే కాకుండా త్వరలో ఈ చిత్రానికి సంబంధించి అప్డేట్ కూడా తెలియజేస్తామంటూ పేర్కొన్నారు. అందులో భాగంగా ఈ ఫోటోలో నాగచైతన్య, అల్లు అరవింద్, బన్నీ వాసు, డైరెక్టర్ చందు మొండేటితో సహా సాయి పల్లవి గారు కూడా ఉండగా ముఖ్యంగా సాయి పల్లవి ఓ పాపను తన ఒడిలో కూర్చోబెట్టుకుని నవ్వుతున్న ఫోటోని అందరినీ తెగ ఆకట్టుకుంటుంది. దాంతో ఆ పాప ఎవరు అంటూ (Sai Pallavi) సాయిపల్లవి అభిమానులు కాక నెటిజన్లు సైతం ఆ ఫోటోలను షేర్ చేస్తూ కామెంట్లు రాస్తున్నారు.